Pavlodarda balalar aýylynyń eks-dırektoryna sot úkimi shyqty
Pavlodardaǵy otbasy úlgisindegi balalar aýylynyń burynǵy dırektory sybaılasymen birge asfalt tóseý jáne ony montajdaý jumystaryna arnalǵan qarajatty jymqyrdy degen kúdikke ilindi. Іs №2 qalalyq sotynda qaraldy.
Tergeýshiler málimetinshe, burynǵy basshy men oǵan kómektesken kásipkerdiń áreketinen memleketke keltirilgen shyǵyn kólemi 6 mıllıon teńgeni quraıdy.
Aıyptalýshylardyń kinási kýágerlerdiń keltirgen aıǵaqtary, qujattarmen jáne saraptamalyq qorytyndylarmen dáleldendi.
«Prokýror sottalýshylardy úsh jyl alty aıǵa bas bostandyǵynan aıyrýdy surady. Biz eki kishkentaı balanyń bar ekenin jáne olardyń buryn qylmystyq jaýapkershilikke tartylmaǵanyn eskerdik», - dedi N 2 qalalyq sottyń baspasóz qyzmetinen.
Aıyptalýshylar kinálaryn moıyndamaı, ózderin aqtaýdy surady. Іs boıynsha keltirilgen zalal ótelgen joq.
Sotta atap ótilgendeı, aıyptalýshylarǵa urlanǵan múliktiń 10-nan 20 eselengen mólsherge deıin aıyppul salý nemese eki jyldan jeti jylǵa deıin bas bostandyǵynan aıyrý jazasy taǵaıyndalýy tıis.
Sot sheshimimen burynǵy sheneýnik pen kásipker úsh jylǵa bas bostandyǵynan aıyrý jazasyna kesildi. Sondaı-aq, olar endi memlekettik qyzmette laýazym ıelene almaıdy.
Úkim zańdy kúshine engen joq.