Pavlodarda balaǵa qol kótergen tárbıeshi jumystan shyǵaryldy

PAVLODAR. QazAqparat – Pavlodar oblysynda balaǵa qol kótergen mamandandyrylǵan balabaqsha tárbıeshisi jumystan bosatyldy, dep habarlaıdy QazAqparat Pavlodarnews.kz saıtyna silteme jasap.

Sot tárbıeshini 5 jasar balanyń densaýlyǵyna qasaqana jeńil zııan keltirdi dep tanydy.

Pavlodar qalasy bilim bóliminiń málimetinshe, sot sheshiminen keıin tárbıeshi jumystan bosatyldy. Sondaı-aq sot tárbıeshige 15 aılyq eseptik kórsetkish kóleminde (1 AEK 3180 teńgege teń) aıyppul saldy.

Eske salaıyq, oqıǵa 18 qazan kúni №52 mamandandyrylǵan balabaqshada boldy. Ulynyń denesinen kógergen izderdi baıqaǵan ata-ana mektepke deıingi mekemeniń basshylyǵyna habarlasqan. Mekemede ornatylǵan beınekameralardyń jazbalaryn qarap shyqqannan keıin, balanyń anasy polıtsııaǵa shaǵymdandy.

Foto:pavlodarnews.kz