Pavlodarda bala zorlaǵan pedofıl 20 jylǵa sottaldy

PAVLODAR. QazAqparat - Pavlodar oblysynda jas balany zorlady dep aıyptalǵan 58 jastaǵy er adam 20 jylǵa sottaldy, dep habarlaıdy QazAqparat Pavlodarnews resýrsyna silteme jasap.

Pavlodar turǵyny sotta óz kinásin moıyndamady.

Oblystyq mamandandyrylǵan aýdanaralyq qylmystyq ister soty baspasóz qyzmetiniń málimetinshe, bul is jabyq sot otyrysynda, alqabılerdiń qatysýymen qaralǵan.

Sottalýshynyń kinási jábirlenýshiniń jáne kýágerlerdiń sózimen, saraptama nátıjesimen dáleldendi.

«Sotta prokýror kúdiktini 20 jylǵa bas bostandyǵynan aıyrýdy surady. Sottalýshy kinásin moıyndamady, ol jáne onyń advokaty aqtaýdy surady» dep málim etti vedomstvodan.

Alqabılerdiń sheshimimen 58 jastaǵy Pavlodar turǵyny aıypty dep tanyldy.

Qylmystyq kodekstiń 121-babynyń 4-bólimine sáıkes mundaı qylmys úshin maksımaldy jaza - 20 jylǵa sottaý.

Aıyptalýshy atalǵan merzimdi qaýipsizdigi barynsha joǵary túzeý mekemesinde óteıdi.

Er adam kámelet jasyna tolmaǵan balalarmen jumys isteıtin qyzmetterdi atqarý quqyǵynan ómir boıyna aıyryldy.