Pavlodarda bala asyrap alýǵa kómek beretin ortalyq ashyldy
ASTANA. QazAqparat - Pavlodarda bala asyrap alýǵa nıetti adamdarǵa kómek berýge arnalǵan ortalyq ashyldy, dep habarlaıdy pavlodarnews.kz.
Ortalyq bala asyrap alý máselesi boıynsha 7 otbasyǵa kómek kórsetken.
«Kóptegen ata-analar bala asyrap alǵysy keledi, biraq neden bastaý kerek ekendigin bilmeıdi. Biz óz jumysymyzdy endi ǵana bastadyq, degenmen endigi jeti jup kelip úlgerdi. Olarǵa jan-jaqty psıhologııalyq, aqparattyq jáne zań turǵysynan kómek kórsetemiz. Bala asyrap alýshylarǵa arnalǵan ortalyq «Analar úıi» qoǵamdyq jobasy negizinde qalanǵan. Keń kólemdi jobany úsh jyl buryn qazaqstandyq bıznesmender bastaǵan. Osy kúnge deıin 36 anaǵa, sońǵy eki aıda úsh otbasyǵa kómek kórsetildi», - deıdi jobanyń úılestirýshisi Ásel Ábisheva.
Á. Ábishevanyń aıtýynsha, baladan bas tartýdyń negizgi sebepteriniń biri - baspananyń joqtyǵy. Sondaı-aq úılestirýshi aldaǵy ýaqytta sal aýrýyna shaldyqqan jetim balalarǵa arnalǵan joba júzege asyrylatynyn atap ótti. Qorǵanshylar balalardyń dertinen aıyqqannan keıin meıirimdi otbasynan oryn tabý múmkindigi arta túsetindigine senedi.
