Pavlodarda azyq-túlik baǵasy tómendedi
PAVLODAR. QazAqparat - Pavlodarda áleýmettik mańyzy bar azyq-túlik baǵasy turaqtandyrylýda. Bul týraly oblystyq kásipkerlik jáne saýda basqarmasy málim etti, dep habarlaıdy pavlodarnews.kz.
- Áleýmettik mańyzy bar 19 azyq-túlik taýarynyń baǵasyn turaqtandyrý máselesi basqarmamyzdyń turaqty baqylaýynda, - dedi vedomstvoda.
Baǵany turaqtandyrý aıasynda basqarma Pavlodar qalasynyń ákimdigimen birlesip, aýylsharýashylyq taýar óndirýshilerimen, kóterme jetkizýshilermen 20 memorandýmǵa qol qoıdy. Al qala men aýdan ákimdikteri 2019 jylǵa oblystyń 99 áleýmettik dúkenimen «Áleýmettik dúkenderdiń» jumys etýin qamtamasyz etý jónindegi memorandýmdar jasasty. Turaqtandyrý qorynan tómen baǵamen ónim bosatylýda. Apta saıynǵy negizde aýyl sharýashylyǵy jármeńkeleri ótkiziledi. Statıstıka departamentiniń derekteri boıynsha, 2019 jyldyń 3-7 maýsym aralyǵynda birqatar baǵalardyń tómendeýi tirkeldi. - Aq qaýdandy qyryqqabattyń kelisi 175-ten 160 teńgege (8,6 paıyzǵa), 1-sanatty taýyq jumyrtqasy 233-ten 230 teńgege (1,2 paıyz) deıin tómendegen.
Aǵymdaǵy jyldyń 1 maýsymynan bastap eldiń ońtústik óńirlerinen kelisi 85 teńge bolatyn baǵamen aq qaýdandy qyryqqabat jetkizý uıymdastyryldy.
Aıta keteıik, Pavlodar qalasynyń ákimdigi «áleýmettik dúken» mańdaısha jazýymen 5 áleýmettik pavılon ornatty. Taǵy 3 pavılon ornatý satysynda. Sonymen qatar, «Zaton» bazarynda 1 áleýmettik bólim jáne «Karavan» bazarynda 3 bólim ashyldy.
