Pavlodarda azot dıoksıdiniń mólsheri joǵary - jalǵan aqparat
PAVLODAR. QazAqparat - Áleýmettik jelide Pavlodardaǵy Zaton yqsham aýdanynda azot dıoksıdiniń shamadan tys artyp ketkeni týraly habar taraldy. Alaıda meteorologtar búl ekologııa beketindegi aqaýǵa baılanysty burys shyqqan, dep habarlaıdy «QazAqparat» HAA tilshisi.
«Pavlodardyń Zaton yqsham aýdanyndaǵy ekologııa beketi jumys istemeıdi, ol qazir jóndelip jatyr. Sondyqtan jeli arqyly tarap jatqan aqparattar jalǵan. Biraq prıbordaǵy qate aqparat AirKZ mobıldik qosymshasyna tarap ketken. Qosymsha jurttyń bárine birdeı qoljetimdi bolǵandyqtan jarııa boldy», - deıdi «Qazgıdromet» RMK Pavlodar oblystyq fılıalynyń qorshaǵan orta jaǵdaıyn baqylaý zerthanasynyń bastyǵy Alla Levına.
Keshe keshke áleýmettik jelide Pavlodardyń Zaton yqsham aýdanyndaǵy ekobekettiń aýa sapasyn ólsheý quraly azot dıoksıdi mólsheri shamadan tys artqanyn kórsetken.
Aıta keteıik, azot totyǵy, ásirese azot dıoksıdi qaladaǵy atmosferalyq aýany lastaıtyn negizgi gazdardyń biri.
