Pavlodarda Azıada alaýyn 60 alaýger alyp ótedi
PAVLODAR. 21 qańtar. QazAqparat /Vera Lıvıntsova/ - Dúısenbi, 24 qańtarda Pavlodarda Azıada alaýynyń estafetasy bastalady,
dep habarlady qala ákiminiń baspasóz qyzmetinen.
Qysqy oıyndardyń alaýy Pavlodarǵa jeksenbi kúni jetkiziledi jáne estafetaǵa deıin «Qazaqstannyń Halyq bankiniń» oblystyq fılıalynda saqtalady.
Azııalyq oıyndardyń alaýyn alyp ótý mıssııasy pavlodarlyq tanymal 60 azamatqa buıyryp otyr. Olardyń qatarynda sport ardagerleri, úzdik jattyqtyrýshylar, tanymal sportshylar bar.
Estafeta Dostyq úıiniń aldynan bastalyp, Pavlodar kóshelerimen júrip ótedi. Estafeta sońynda qalalyq mádenıet úıiniń aldyndaǵy alańda qysqy Azııalyq oıyndar alaýynyń shyraǵy tutandyrylady, odan keıin «Astana» muz aıdynynda merekelik qoıylym ótedi.
Qysqy Azıada oıyndaryna pavlodarlyq sportshylar da qatysady. Olar - shańǵy jarysynan halyqaralyq sport sheberi Andreı Golovko men Qazaqstannyń qysqy spartakıadasynyń jeńimpazy, frıstaıldan halyqaralyq sport sheberi Sergeı Berestovskıı.
