Pavlodarda aıyppul boryshy bar júrgizýshilerden 7 mln astam teńge óndirildi
PAVLODAR. QazAqparat – Pavlodar qalasynda polıtsııa «Boryshker» operatsııasyn bastady, dep habarlaıdy QazAqparat.
«Pavlodar qalasynda 26 naýryz ben 2 sáýir aralyǵynda «Boryshker» jedel-aldyn alý sharasy ótkizilip jatyr», - dep habarlady baspasózge Pavlodar oblystyq polıtsııa departamentinen.
Quqyq qorǵaý organdarynda operatsııanyń «nóldik tózimdilik» qaǵıdasyn, jolda ereje buzǵany úshin jazanyń qoldanylmaı qalmaýyn qamtamasyz etýdi jáne buzýshylardyń aıyppuldardy tóleýge jaýapkershilikpen qaraýy úshin ótkizilip jatqanyn atap ótti.
«Pavlodar qalasynyń polıtsııasy ákimshilik quqyqbuzýshylyqtar úshin jeti mıllıonnan astam aıyppul tóletti, jeti kólik arnaıy turaqqa qoıyldy. Mysaly, júrgizýshisi 218 myń teńge kóleminde ákimshilik aıyppul tólemegen «VAZ» markaly kólik toqtatylyp, aıyppul tólegenshe arnaıy turaqqa qoıyldy», - dedi Pavlodar qalasy polıtsııa basqarmasy bastyǵynyń birinshi orynbasary Nurǵalı Omarbekov.
Pavlodar qalasynyń polıtsııa basqarmasy júrgizýshilerdi ákimshilik aıyppuldardy ýaqytynda tóleýge shaqyrdy.
Avtory Anton Gagarın
