Pavlodarda áıeldi kólik qaǵyp ketti
PAVLODAR. QazAqparat – Pavlodarda keıýanany kólik qaǵyp ketti. Bolǵan oqıǵanyń vıdeosy áleýmettik jelide tarady, dep habarlaıdy QazAqparat tilshisi.
«2 qyrkúıek kúni saǵat 11:20-da Pavlodar qalasyndaǵy Shókın kóshesiniń boıyndaǵy 103/1 úıdiń aýlasynda «Taıota Alfard» avtokóliginiń 52 jastaǵy júrgizýshisi «artqy sheginý» erejesin buzyp, joldyń kólik júretin bóliginen ótip bara jatqan 1957 jylǵy jaıaý júrginshini qaǵyp ketti. Jaraqat alǵan áıel aýrýhanaǵa jetkizildi», - dep málimdedi Pavlodar oblysy polıtsııa departamentiniń baspasóz qyzmeti.
Kólik arnaıy aıyppul turaǵyna qoıyldy. Kólik qaqqan áıel polıtsııaǵa aryz jazbaǵan. Jol apaty boıynsha tekseris júrgizilip jatyr.
«Jyldyń basynan beri Pavlodar oblysynda 356 jol-kólik oqıǵasy tirkeldi, saldarynan 31 adam qaıtys bolyp, taǵy 504 adam jaraqattandy», - dep aıtyp berdi óńirlik polıtsııa departamenti.
Avtory Anton Gagarın
