Pavlodarda áıeldi aıaǵynan aıyrǵan kólik jýý qyzmetkeri qamaldy
PAVLODAR. QazAqparat – Pavlodarda áıeldi kólikpen qabyrǵaǵa janjyǵan avtokólik jýý ortalyǵynyń qyzmetkeri ýaqytsha ustaý abaqtysyna qamaldy, dep habarlaıdy «QazAqparat» HAA tilshisi.
«Pavlodarda kólik jýý qyzmetkerin kólikpen basqan er adam qamaýǵa alyndy. Atalǵan fakti boıynsha QR Qylmystyq kodeksiniń 346-babymen sotqa deıingi tergep-tekserý amaldary ótkizilip jatyr, saraptamalar taǵaıyndaldy. Er adam Pavlodar qalasynyń ýaqytsha ustaý oqshaýlaǵyshyna qamaldy», - dep habarlady tilshilerge Pavlodar oblystyq Polıtsııa departamentiniń baspasóz qyzmetinen.
Eske sala ketsek, 31 qazan kúni Pavlodardaǵy Beıbitshilik kóshesinde ornalasqan kólik jýý ortalyǵynyń ǵımaratynda mas kúıde bolǵan ortalyq qyzmetkeri kólikti alǵa jyljytpaq bolyp, ortalyqtyń taǵy bir qyzmetkerin – 31 jastaǵy áıeldi qabyrǵaǵa janjyǵan bolatyn. Saldarynan ol oblystyq aýrýhanaǵa jetkizilip, bir aıaǵy ampýtatsııalandy.
