Pavlodarda áıel eki balasyn terezeden laqtyryp, ózi de sekirip ketken

PAVLODAR. KAZINFORM – Pavlodarda 5-qabattan balalaryn laqtyryp, artynsha ózi de sekirip ketken. Oqıǵa týraly jedel járdem qyzmetine saǵat 13:00 shamasynda habar túsken, dep habarlaıdy Kazinform agenttiginiń tilshisi. 

Oblystyq jedel medıtsınalyq járdem stantsııasynyń málimetinshe, shaqyrtý túsken sátten keıin 6 mınýt ishinde dárigerler oqıǵa ornyna jetken.

— Nurmaǵambetov kóshesindegi úılerdiń birinde áıel 5-qabattan eki balasyn terezeden laqtyryp, ózi de sekirip ketken. Birinshi sanattaǵy shuǵyldyqpen úsh jedel járdem brıgadasy joldandy, — dep málim etti medıtsına qyzmetkerleri.

Eki bala aýyr halde oblystyq balalar aýrýhanasyna jetkizildi. Áıeldiń ózi de aýyr jaǵdaıda Pavlodar qalalyq № 1 aýrýhanaǵa jetkizilgen.