Pavlodarda aıazdy kúni sábıin aıaldamaǵa tastap ketken anaǵa úkim shyqty
PAVLODAR. QazAqparat – Osy ýaqyt aralyǵynda bir jarym jasar bala aǵasymen birge Ekibastuzda ájesiniń qolynda turǵan, dep habarlaıdy QazAqparat Pavlodarnews portalyna silteme jasap.
Búgin №2 sotta 26 qarasha kúni sábıin Pavlodar avtovokzalynyń janyndaǵy tramvaı aıaldamasyna tastap ketken 33 jastaǵy ananyń isi qaraldy.
Eske sala keteıik, áıel sońǵy jyldary Tarazda turǵan. Ol Pavlodarǵa Semeıden taksımen kelgen.
Kúdiktini ustaý úshin polıtseıler men volonterlerge eki saǵattan astam ýaqyt ketti.
Balasyn tastap ketken anaǵa qatysty sábıin qaýipti jaǵdaıda qaldyrýyna baılanysty QR QK 119- baby 1-tarmaǵy boıynsha sotqa deıingi tergeý bastaldy.
Áıeldiń kúıeýge shyqpaǵany, Batyrdan basqa onyń Ekibastuzda 57 jastaǵy ájesimen birge turatyn 9 jasar uly bar ekeni belgili.
Áıel kishi ulyn tastap ketýdi aldyn ala josparlaǵan.
– Sot qaýlysymen J. qylmystyq jaýapkershilikten bosatyldy, óıtkeni jábirlenýshiniń zańdy ókili tatýlasý týraly ótinish bildirgen. Moraldyq jáne múliktik zalal joq, - dep málimdedi Pavlodar qalasy №2 sotynyń sýdıasy Dýman Serikbaev. – Áıel teris qylyq jasaǵanyn tolyq moıyndady.
№2 sotta sondaı-aq 25 jeltoqsanda Pavlodar oblysynyń kámeletke tolmaǵandar isteri jónindegi mamandandyrylǵan aýdanaralyq soty J. ÁQBtK 127-babynyń birinshi tarmaǵy boıynsha ákimshilik jaýapkershilikke tartylǵanyn, osyǵan baılanysty otbasy qorǵanshylyq jáne qamqorshylyq organyna esepke qoıylǵanyn habarlady.
Qaýly zańdy kúshine engen joq.
