Pavlodarda –aıaz: Dızeldi jáne qoǵamdyq kólikter qozǵalysyna tyıym salyndy
PAVLODAR. QazAqparat - Pavlodar oblysynda aýa raıy nasharlap, - 39 gradýsqa deıin tómendedi, dep habarlaıdy QazAqparat Pavlodarnews.kz saıtyna silteme jasap.
Oblystyq tótenshe jaǵdaılar departamenti 3 qańtar kúni aýa raıynyń nasharlaýyna baılanysty (qatty aıaz -39 gradýsqa deıin) respýblıkalyq jáne oblystyq mańyzy bar barlyq avtojolynda dızel jáne qoǵamdyq kóliktiń túrlerine qozǵalys jabylatyny týraly eskertti.
- Qatty aıazda dalaǵa shyqpaýlaryńyzdy jáne qatty otyndy paıdalaný kezinde abaı bolýlaryńyzdy, sonymen qatar sýyqta jylytqysh elektr quraldaryn paıdalanǵan kezde órt qaýipsizdigin saqtaýdy, kámeletke tolmaǵan balalardy jalǵyz qaldyrmaýdy suraımyz. Ózińizdi jáne jaqynyńyzdy qorǵańyz, - dedi departamentte.
