Pavlodarda avtomobıl úıge kirip ketti
PAVLODAR. QazAqparat - Pavlodarda avtomobıl turǵyn úıge kirip ketti, dep habarlaıdy «QazAqparat» HAA tilshisi.
«2018 jyldyń 26 naýryzynda Pavlodar qalasynda Maksım Gorkıı jáne Akademık Sátbaev kósheleriniń qıylysynda Subaru Forester men Volkswagen Golf kólikteri soqtyǵysty. Sonyń saldarynan Subaru Forester Akademık Sátbaev kóshesindegi úıdiń qorshaýyn buzyp kirdi», - dep habarlady Pavlodar oblystyq ІІD baspasóz qyzmetinen.
Instagram -daǵy «Tıpıchnyı Pavlodar» tobynda jarııalanǵan fotoda avtomobıldiń qabyrǵasy aǵashtan jasalǵan úıge kirip ketkeni kórinip tur. Pavlodar ortalyǵyndaǵy bul qıylystaǵy úıge kólikterin basqara almaıtyn júrgizýshiler budan da buryn kirip ketip, tanymal bolǵan.
