Pavlodarda avtokólik órtendi

PAVLODAR. QazAqparat - Pavlodarda turǵyn úıdiń aýlasynda turǵan avtokólik otqa orandy. Órttiń shyǵýyna toqtardyń qysqa tuıyqtalýy sebep bolǵan, dep habarlaıdy QazAqparat Pavlodarnews.kz saıtyna silteme jasap.

Pavlodar oblystyq tótenshe jaǵdaılar departamenti baspasóz qyzmetiniń málimdeýinshe, búgin saǵat 12:44-te N.Nazarbaev dańǵyly 29 mekenjaıy boıynsha órt týraly habarlama kelip túsken. Turǵyn úıdiń aýlasynda 2002 jyly shyǵarylǵan Mazda Tribute avtomobılinde motor bólimi, aspaptar paneli jáne jartylaı eki aldyńǵy dońǵalaq janyp ketken.
- Órt 13:06-da tolyqtaı joıyldy. Qaza bolǵandar men zardap shekkender joq. Órttiń shyǵýyna elektr symdarynyń qysqa tuıyqtalýy sebep boldy, - delingen baspasóz habarlamasynda.

Tótenshe jaǵdaı ornyna jeke quramnyń alty adamy jáne órt sóndirý qyzmetiniń bir tehnıkasy jumyldyryldy.