Pavlodarda avtobýs jaryq baǵanasy men jarnama qalqanyna soǵyldy
PAVLODAR. QazAqparat – Pavlodarda jol-kólik apaty saldarynan eki bala men eki eresek adam aýrýhanaǵa tústi, dep habarlaıdy QazAqparat.
«14 mamyr kúni saǵat 7:43-te Pavlodar qalasynda №38 baǵdarly avtobýstyń 44 jastaǵy júrgizýshisi Toraıǵyrov kóshesimen kele jatyp, akademık Bekturovtyń kóshesimen qıylysta kólikti basqara almaı, jaryq baǵanasyna, jol belgisi men jarnama qalqanyna soǵyldy», - dep málim etti Pavlodar oblystyq polıtsııa departamentiniń baspasóz qyzmetinen.
Jol apaty saldarynan 2001 jáne 2004 jylǵy eki bala men eki eresek adam aýrýhanaǵa jetkizildi.
Medıtsınalyq tekserý qorytyndysyna sáıkes, júrgizýshiniń alkogoldik ishimdik ishpegeni belgili boldy.
«Atalǵan fakt tirkeldi, arnaıy saraptamalar belgilengen. Tekserý jumystary júrgizilýde, oqıǵa ornynda polıtsııa qyzmetkerleri jumys istep jatyr», - dep qosty oblystyq PD-dan.
