Pavlodarda avtobýs pen jeńil kóliktiń soqtyǵysýynan 7 adam zardap shekti

PAVLODAR. KAZINFORM — Zardap shekken jolaýshylardyń tórteýi — bala. Olar jedel járdemmen óńirlik balalar aýrýhanasyna jetkizildi.

Oblys ortalyǵyndaǵy Toraıǵyrov — Akademık Sátbaev kósheleri qıylysynda qoǵamdyq kólik pen jeńil avtokólik soqtyǵysty. Jol-kólik apaty saldarynan 7 adam zardap shekken. 

Jedel járdemge jol apaty týraly habarlama búgin saǵat 16:38–te túsken. Oqıǵa ornyna úsh medıtsınalyq brıgada jiberildi.

— Jeti adam zardap shekken, onyń ishinde tórteýi — bala. 1937, 1969 jáne 1989 jylǵy áıel adamdar qalalyq № 1 aýrýhanaǵa jetkizildi. Al 2013 jylǵy qyz, sondaı-aq 2012, 2016, 2017 jylǵy er balalar oblystyq balalar aýrýhanasyna aparyldy, — dep málimdedi oblystyq jedel járdem stansasynan.

Eske sala keteıik, bir túnde jol apatynan 15 adam qaza tapty.