Pavlodarda avtobýs órtendi
PAVLODAR. QazAqparat - Pavlodarda shaǵyn avtobýs tolyǵymen janyp ketti. Oqıǵa Pavlodar qalasynan Omby baǵytyna shyǵatyn jolda bolǵan, dep habarlaıdy QazAqparat Pavlodarnews.kz saıtyna silteme jasap.
Oblystyq tótenshe jaǵdaılar departamentiniń málimdeýinshe, órt shyqqany týraly habar 6 qarasha kúni saǵat 23:36-da kelip túsken.
- Avtojolda 2010 jylǵy Mercedes-Benz Sprinter shaǵyn avtobýsynyń qozǵaltqysh bóligi men salony 6 sharshy metr aýmaqta tolyǵymen janyp ketti. Órt saǵat 23:48-de sóndirildi, - dedi departamentte.
Apattyń oryn alý sebebi, elektr symdarynyń qysqa tuıyqtalýynan bolǵan. Shyǵyn eseptelýde.
Oqıǵa ornynda jeke quramnyń 8 adamy men 2 tehnıka jumys jasady.
