Pavlodarda aýyldyq okrýg ákimderiniń saılaýy ótip jatyr
Aýyl ákimi bolýǵa keıbir kandıdattar ózin-ózi usynsa, keıbiri saıası partııalardyń atynan qatysyp jatyr. Saılaý nátıjesinde Kóktúbek, Qaraterek jáne Qaraqala aýyldyq okrýgteriniń ákimderi tańdalady. Kóktúbek ákimi densaýlyǵyna baılanysty otstavkaǵa ketý týraly ótinish bergen. Bul laýazymǵa qazir úsh úmitker tirkeldi. Al óz erkimen jumystan ketken Qaraterek aýyldyq okrýginiń ákiminiń ornyna eki úmitker ótinish beripti. Qaraqala aýyldyq okrýgi ákiminiń ókilettigi merziminen buryn toqtatylǵan. Onyń laýazymyna tórt kandıdat tirkelgen. Olardyń arasynda úsh aýdandyq sheneýnik jáne bir jeke kásipker bar.
«Úmitkerler óz qyzmet baǵyttary boıynsha qarjylyq qyzmetpen, áleýmettik jumyspen aınalysady. Olardyń arasynda oqytýshylar men ınjener-qurylysshy da bar», - dedi Aýdandyq saılaý komıssııasynyń tóraıymy Svetlana Kishkenalına.
Saılaýǵa Kóktúbek jáne Qaraterek aýyldyq okrýgteri boıynsha 3258 saılaýshy qatysady.
