Pavlodarda aýyl sharýashylyǵy jármeńkesi toqtatyldy

PAVLODAR. QazAqparat – Pavlodarda aýyl sharýashylyǵyn jármeńkesiniń jumysy toqtatyldy, dep habarlaıdy QazAqparat.

«Qurmettiń pavlodarlyqtar! Kópshiligińiz qazirgideı epıdemıologııalyq jaǵdaıda jármeńke ótkizýdiń qanshalyqty qaýipti ekenin bilip otyrsyzdar. Óńirde sanıtarlyq sharalar kúsheıtilip, qatań epıdemıologııalyq talaptar qoıylyp otyr, satýshylarǵa medıtsınalyq maskalar taratylýda, jármeńkeniń jumys ýaqyty da qysqartylǵan edi. Endi biz jármeńkeniń jumysyn múldem toqtattyq», - dedi Pavlodar qalasy ákiminiń baspasóz qyzmeti.

Jármeńke sheshetin azyq-túlik qaýipsizdigi máselesi qazir qatań baqylaýda, dep atap ótti, oblys ortalyǵynyń ákimshiligi.

«Qazir ónim óndirýshilerden áleýmettik dúkenderge tikeleı azyq jetkizý jóninde sheshim qabyldandy. Jetkiziletin ýaqyty týraly biz qosymsha taǵy habarlaıtyn bolamyz»,dep habarlady qala ákimdigi.