Pavlodarda aýrýhana aýmaǵynda órt shyqty
PAVLODAR. QazAqparat - Pavlodarda G. Sultanov atyndaǵy oblystyq klınıkalyq aýrýhananyń sharýashylyq ǵımaratynda shyqqan órtti sóndirip jatyr, dep habarlaıdy «QazAqparat» HAA tilshisi.
«Munda órt shatyrdyń astynan shyqqan. Jylytqysh janyp jatyr. Bizdiń órt sóndirýshiler tilsiz jaýdyń janyndaǵy ǵımarattardy sharpymaýy úshin bólinip áreket etýde», - dedi Pavlodar oblystyq TJD Órt sóndirý qyzmeti bastyǵynyń mindetin atqarýshy Oırat Isınov.
Órtti TTD-nyń 20 qyzmetkeri men jeti tehnıka sóndirýde. Belgili bolǵandaı, bólek turǵan sharýashylyq qurylymdar janyp jatyr. Órt sóndirýshiler otqa oranǵan ǵımarattan aman qalǵan múlikterdi shyǵaryp úlgergen.
«Qaladaǵy bes órt sóndirý bólimderiniń kúshi men qurylymy tartyldy. Qazir Pavlodar oblysynda qatty aıaz. Bul órtti sóndirýge kedergi bolýda», - dep túsindirdi O. Isınov.
