Pavlodarda aýlada júrgen kishkene qyzdyń aıaǵyn kólik basyp ketti
PAVLODAR. QazAqparat – Tórt jasar qyz bala oblystyq balalar aýrýhanasyna jetkizildi, dep habarlaıdy QazAqparat pavlodarnews.kz-ke silteme jasap.
12 mamyr kúni keshke Lomov kóshesindegi 179a-úıdiń aýlasynda Nissan Primera júrgizýshisi jaıaý júrginshini qaǵyp ketti.
«Jedel járdemdi páterge shaqyrdy. Aýlada kólik tórt jasar balanyń aıaǵyn basyp ketken. Oblystyq balalar aýrýhanasyna jetkizilgen qyzdyń tabany jaraqatanǵan. Jaǵdaıy aýyr emes», - dep habarlady oblystyq densaýlyq saqtaý basqarmasynyń baspasóz qyzmeti.
Oblystyq polıtsııa departamentiniń habarlaýynsha, júrgizýshi saý bolǵan. QR Qylmystyq kodeksiniń 345-baby 1-bóligi boıynsha sotqa deıingi tergeý bastaldy.
Densaýlyqqa ortasha zııan keltirgen jol erejesin buzýshyny 100 AEK-ke deıin aıyppul, túzeý jumysy, 160 saǵatqa deıingi qoǵamdyq jumys nemese 40 kúnge deıin qamaý kútip tur.
