Pavlodarda aýktsıon arqyly avtomobıl satqan «kompanııa qyzmetkeri» ustaldy
PAVLODAR. QazAqparat - Pavlodarda polıtseıler ózin iri kompanııa jumyskeri retinde tanystyryp, azamattarǵa aýktsıon arqyly óte tómen baǵamen avtomobıl jáne arnaıy tehnıkalar satyp alýdy usynǵan er adamdy ustady.
Esh jerde jumys istemeıtin 27 jastaǵy aýyl turǵyny adamdardyń senimine kirip, iri kólemde aqsha tabýdy oılaǵan, dep habarlaıdy pavlodarnews.kz .
«Ol iri kompanııalar men kásiporyndarda múlikti satý jóninde aýktsıon ótip jatqanyn bilgennen keıin tanystary men týystary arqyly iri kólemde aqshasy bar nemese bankten nesıe alýǵa qaýqarly adamdar týraly aqparat jınaǵan. Osylaısha, alaıaq turǵyndarǵa tómen baǵamen aýktsıon arqyly arnaıy tehnıkalar men avtomashınalar satyp alýdy usynǵan», - dep málim etti oblystyq ІІD.
Senimdilikti arttyrý úshin tehnıkalar men avtomashınalardyń sýretterin WhatsApp arqyly jibergen. Sońynan temir tulparlaryn qolaıly baǵaǵa satyp alý úshin aqshalaı berip jiberýdi suraǵan. Qarajat qolyna tıisimen alaıaqtyń telefony óship, kózden ǵaıyp bolady. Qaskúnemderdiń mundaı áreketinen bes pavlodarlyq zardap shekken. Nátıjesinde keltirilgen zalal somasy 2-27 mıllıon teńgeni quraıdy. Qolǵa túsirgen aqshany kúdiktiler ózara bólisken. Barlyq alaıaqtyq faktiler arqyly tergeý boıynsha tirkelgen bir qylmystyq is shyǵyndy óndirýmen aıaqtalyp, prokýratýraǵa joldandy.
