Pavlodarda aýyl turǵynynyń mal qorasynan 3 myńǵa jýyq myltyq patrony tabyldy

PAVLODAR. KAZINFORM — Er adam tabylǵan oq-dárilerdiń barlyǵyn polıtsııaǵa tapsyrǵan. Bul úshin memleketten 327 myń teńgeden astam syıaqy alady.

Polıtsııanyń kezekshi bólimine Maı aýdanynda turatyn er adamnan qońyraý túsken. Ol óz úıiniń janyndaǵy mal qorasynan 3 myńǵa jýyq myltyq patrondaryn taýyp alǵanyn habarlaǵan.

— Turǵyn nysandaǵy aǵash edenderdi buzyp júrip, 9 mm kalıbrli myltyqtyń 2913 dana patronyn taýyp alǵan. Oq-dárilerdi ol óz erkimen polıtsııaǵa tapsyratynyn málimdedi. 21 sáýirden bastap Ertis-Baıan óńirinde halyq arasynda zańsyz saqtalǵan atys qarýyn, oq-dárilerdi jáne jarylǵysh zattardy erikti túrde satyp alý jónindegi respýblıkalyq aktsııa bastalǵan. Aktsııa sharttaryna sáıkes, saraptama nátıjeleri boıynsha aýyl turǵyny memleketten ótemaqy alady. Tólemniń boljamdy somasy — 327 246,42 teńge, — dep málimdedi óńirlik polıtsııa departamentiniń baspasóz qyzmetinen.

Aktsııa bastalǵannan beri aımaq turǵyndarynan 16 myltyq jáne 3 myńǵa jýyq patron qabyldanǵan. Qarýlar ballıstıkalyq saraptamaǵa jiberilgen. Olardyń nátıjeleri boıynsha jalpy somasy 1,5 mln teńgeden astam somaǵa syıaqy tóleý týraly sheshim qabyldanady.

Eske sala keteıik, eldegi kúzet uıymdarynyń qolynda 22 myńnan astam qarý bar.