Pavlodarda aýyl turǵyny qarasora ósiretin ferma uıymdastyrǵan

PAVLODAR. KAZINFORM - Polıtsııa 46 jasar er azamattyń úıinen 3 kılogramnan asatyn kannabıs tektes ósimdikterdi tárkilegen. Kúdikti qarasorany jeke maqsatta paıdalaný úshin ósirgenin aıtady.

Pavlodar polıtseıleri óz úıinde qarasora ósirip kelgen aýyl turǵynyn qolǵa túsirdi.

- Jedel jumys barysynda polıtsııa qyzmetkerleri Aqqýly aýdanynyń 46 jastaǵy turǵynyn ustady. Ol óz úıinde jabaıy qarasorany zańsyz ósirýdi uıymdastyrǵan. Er adamnyń turǵylyqty jerin tintý kezinde bólmeden qarasora butalary tabyldy. Kúdikti qarasora ósirgenin, odan alynǵan ónimdi jeke maqsatta paıdalanbaq bolǵanyn túsindirdi. Sarapshylardyń qorytyndysyna sáıkes, zańsyz aınalymnan alynǵan kannabıs tektes ósimdikterdiń jalpy salmaǵy 3 kılogramnan asty,-dep habarlady óńirlik polıtsııa departamentiniń baspasóz qyzmetinen. 

Quramynda esirtki zattary bar ósimdikterdi zańsyz ósirý deregi boıynsha qylmystyq is qozǵaldy.

Eske sala keteıák, Pavlodar oblysynda QTJ qyzmetkeri esirtki taratýmen aınalysqan.