Pavlodarda aýyl turǵyndarynyń tisin zańsyz emdep júrgen sheteldik anyqtaldy
PAVLODAR. KAZINFORM - Jalǵan tis dárigeriniń stomatologııalyq qyzmet kórsetýge qajetti qujattary da bolmaǵan. Polıtsııa zańsyz medıtsınalyq qyzmet kórsetý deregi boıynsha ákimshilik is qozǵady.
Jelezın aýdanynyń bir aýylynda shetel azamatynyń halyqqa zańsyz medıtsınalyq qyzmet kórsetken deregi áshkerelendi.
- Zańsyz qyzmetpen aınalysqan tulǵanyń stomatologııalyq qyzmet kórsetýge ruqsat beretin tıisti qujattary bolmaı shyqty. Polıtsııa zańsyz medıtsınalyq qyzmet kórsetý faktisi boıynsha ákimshilik is qozǵady. Materıal Pavlodar oblysy boıynsha medıtsınalyq jáne farmatsevtıkalyq baqylaý komıteti departamentine qaraýǵa joldandy, – dep habarlady Pavlodar oblysy polıtsııa departamentinen.
Tártip saqshylary atalǵan zańsyzdyq «Dármek» respýblıkalyq jedel-profılaktıkalyq is-sharasy aıasynda anyqtalǵanyn aıtady. Onyń aıasynda polıtseıler 1 tonnadan astam dári men ampýla túrindegi esirtki quraldary, psıhotroptyq zattar men prekýrsorlardyń aınalymyn shektegen.
Eske sala keteıik, Pavlodarda qaldyqtardy zańsyz kómip kelgen kásiporynǵa 28 mlrd aıyppul salyndy.