Pavlodarda ataýly áleýmettik kómek alatyn otbasylarǵa merekelik tólem beriledi
PAVLODAR. KAZINFORM - Halyqaralyq áıelder kúnine oraı Ertis-Baıan óńirinde kópbalaly analarǵa 5 aılyq eseptik kórsetkish kóleminde birjolǵy tólem beriletin boldy.

Halyqaralyq áıelder kúnine oraı elimizde kópbalaly analarǵa birjolǵy áleýmettik tólemder qarastyrylyp jatyr. Ár aımaq óz múmkindigine qaraı máslıhat sheshimimen bekitedi.
- Merekege baılanysty aımaqtaǵy qalalar men aýdandardyń ókiletti organdary kópbalaly analarǵa (otbasylarǵa) 5 aılyq eseptik kórsetkish (19 660 teńge) mólsherinde birjolǵy tólem jasaýdy uıǵardy. Tólem ataýly áleýmettik kómek alyp otyrǵan otbasylarǵa beriledi. Ondaı kópbalaly otbasylardyń sany 750-den asady, - dep habarlady Pavlodar oblysy Jumyspen qamtýdy úılestirý jáne áleýmettik baǵdarlamalar basqarmasynyń baspasóz qyzmetinen.
Eske sala keteıik, Astanada 8 naýryz merekesine oraı 36 myń áıel adamǵa birjolǵy áleýmettik tólem beriledi.