Pavlodarda áskerı qyzmetshini bopsalap, aqsha alyp kelgender ustaldy

PAVLODAR. KAZINFORM - Ustalǵandar buryn «qylmystyq yqpal etý uıymynda» bolyp, birqatar qylmys jasady dep kúdikke ilingen adamdardyń ortasynda júrgen.

Pavlodarda oblysy polıtsııa departamentiniń uıymdasqan qylmysqa qarsy is-qımyl qyzmetkerleri áskerı qyzmetshiden aqsha bopsalady degen kúdikpen oblys ortalyǵynyń eki turǵynyn ustady.

– Tergeý derekterine sáıkes, kúdiktiler birneshe aı boıy áskerı qyzmetshige moraldyq-psıhologııalyq qysym kórsetip, onyń aqshalaı qarajatyn ıemdengen. Belgili bolǵandaı, ustalǵandar buryn «qylmystyq yqpal etý uıymynda» bolyp, birqatar qylmys jasady degen kúdikke ilingen adamdardyń ortasynda júrgen. Qazirgi ýaqytta eki kúdikti sot sanktsııasymen 2 aı merzimge qamaýǵa alyndy. Tergeý jalǵasýda, sondaı-aq olardyń ózge qylmystyq epızodtarǵa qatystylyǵy tekserilip jatyr, – dep habarlady Pavlodar oblysy polıtsııa departamenti bastyǵynyń birinshi orynbasary Bolat Nurseıitov.

Eske sala keteıik, Jetisý oblysynda aqsha bopsalaýmen aınalysqan qylmystyq top ustaldy.