Pavlodarda áskerı qyzmetshi ózin ózi atyp, qaza tapty

Pavlodar qalasyndaǵy 6679 áskerı bóliminde qaıǵyly oqıǵa boldy. Aldyn ala málimetterge sáıkes, kelisimshartpen qyzmet etetin áskerı qyzmetshi ózine bekitilgen qarýdan oq atqan. Saldarynan ózi oqıǵa ornynda qaza tapqan.

— Oqıǵa kezinde taǵy bir kelisimsharttaǵy áskerı qyzmetshi jaraqat aldy. Qazirgi ýaqytta sotqa deıingi tergeý júrgizilip jatyr, oqıǵanyń barlyq mán-jaıy anyqtalyp jatyr. Zardap shekken azamatqa qajetti medıtsınalyq kómek kórsetilip keledi. Tergeý barysy Іshki ister mınıstrligi Áskerı tergeý departamentiniń baqylaýynda, — dep habarlady QR Іshki ister mınııstrliginiń baspasóz qyzmetinen.

Zardap shekken áskerı qyzmetshige medıtsınalyq kómek kórsetilip jatyr.

— 2001 jyly týǵan naýqas Pavlodar qalalyq № 1 aýrýhanasynyń jansaqtaý bóliminde jatyr. Jaǵdaıy aýyr, turaqty. Barlyq qajetti emdik sharalar júrgizilýde, — dep habarlady óńirlik densaýlyq saqtaý basqarmasynan.

Eske sala keteıik, buǵan deıin Aqtóbede kýrsant ólimine baılanysty eki áskerı qyzmetker sottalǵan edi.