Pavlodarda áskerı bólimnen ketip qalǵan sarbaz tabyldy
PAVLODAR. QazAqparat - Ol № 5512 áskerı bóliminen keshe saǵat 6:30 shamasynda ketip qalǵan bolatyn, dep habarlaıdy Pavlodarnews.kz.
Bul týraly Ulttyq ulannyń «Shyǵys» óńirlik qolbasshylyǵy málimdedi.
- Merzimdi qyzmettegi áskerı qyzmetshi Elýbaev saǵat 00:30 shamasynda qyzmetin ótep jatqan 5512 áskerı bólimine óz erkimen keldi, - dedi QR Ulttyq ulanynyń «Shyǵys» óńirlik qolbasshylyǵynda. -Qazirgi ýaqytta áskerı bólimdi óz betinshe tastap ketýiniń sebepteri men jaǵdaılary anyqtalýda. Tolyǵyraq qosymsha habarlaımyz.
Eske sala keteıik, Aqmola oblysynan shaqyrylǵan merzimdi qyzmettegi qatardaǵy jaýynger Tamerlan Elýbaev senbi, 3 sáýir saǵat 06:30 shamasynda áskerı bólimnen óz erkimen ketken bolatyn.
«VITA» izdeý jasaǵynyń eriktileri men Pavlodar oblysynyń áskerı-tergeý organdary sarbazdy birge izdegen bolatyn.
