Pavlodarda «Ashyq kitaphana» jobasy bastaldy

PAVLODAR. KAZINFORM - S.Toraıǵyrov atyndaǵy oblystyq kitaphanada oqyrmandar úshin «Ashyq kitaphana» ashyldy. Kópshilik jıi júretin ashyq aýada ornalasqan kitaphanada kún saıyn 30-40 kitap pen jýrnaldar qoıylady.

Qala turǵyndarynyń bos ýaqyty shekteýli bolǵandyqtan, keıde jumys ýaqytynda kitaphanaǵa barýǵa ýaqyty jetpeı qalatyny ras. Sondyqtan «Ashyq kitaphana» jobasy oqyrmandarǵa kez kelgen yńǵaıly ýaqytta kitaptardy paıdalanýǵa múmkindik berý úshin oılastyrylǵan. 

«Mundaı kitaphananyń jumys isteý prıntsıpi qarapaıym: «Kitapty al. Oqy. Qaıtar nemese basqasyn alyp kel». Ashyq kitaphana qoryndaǵy kitaptar ártúrli jastaǵy aýdıtorııaǵa arnalǵan jáne túrli talǵamdy qamtıdy. Munda oqyrmandar úshin salalyq kitaptar jáne kórkem ádebıetter de jetkilikti. Kún saıyn 30-40 kitap pen jýrnaldar qoıylady», - dep habarlady oblystyq kitaphanadan.

Eske sala keteıik, mektep kitaphanashylaryna pedagog mártebesi berilmek.