Pavlodarda arzandatylǵan dızeldiń baǵasy qańtar aıynyń aıaǵynda belgili bolady
ASTANA. QazAqparat - Pavlodar oblysynyń agronomdaryna jeńildikpen beriletin dızeldiń baǵasy qańtar aıynyń aıaǵynda belgili bolady, dep habarlaıdy pavlodarnews.kz.
Bul jóninde agenttikke oblystyq aýyl sharýashylyǵy basqarmasy ósimdik sharýashylyǵy jáne mehanızatsııa bóliminiń basshysy Esentaı Múrsálimov aıtty.
«Mınıstrlikke 17 myń tonna dızeldik otynǵa ótinish jiberilgen, - dedi Esentaı Múrsálimov. - Biraq dál byltyrǵy mólsherde 16 myń tonna janar-jaǵarmaı bólip otyr.
Ótken jylǵy berilgen janar-jaǵarmaı tolyǵymen jetken. Bıyl da jetkilikti bolady dep otyrmyz. Ony aýdandarǵa bólip beremiz. 4 myń tonnasy naýryz aıynda, 6 myńy sáýirde, 6 myń tonnasy mamyr aıynda beriledi.
Naýryzda keıbir sharýa qojalyqtary nesıelerin tolyǵymen alyp úlgermegendikten jáne qarajattyń jetpeýine baılanysty 4 myń tonna ǵana bólinedi. Bólim basshysynyń aıtýynsha, óńirimizde naýryz aıynda daıyndyq jumystary júrilip, sáýir, mamyr aılarynan bastap egin egý jumystary bastalady.
Aıta keteıik, obylys boıynsha ótken jyly 1 mln 191,9 myń gektar jerge 118,2 myń tonna tuqym sebilse, bıyl 1 mln 329,9 gektarǵa 126 myń tonna sebý josparlanýda.
