Pavlodarda artemııa shaıanynyń 7 myń tonna jumyrtqasyn zańsyz óndirgender ustaldy
PAVLODAR. KAZINFORM - Qalatuz kólinde artemııa shaıanynyń jumyrtqalaryn zańsyz súzip júrgen úsh azamat qolǵa tústi.
Brakonerler tabıǵatqa 83 mln teńgeden astam zalal keltirgen.
«Zaısan-Ertis oblysaralyq basseındik balyq sharýashylyǵy ınspektsııasy» RMM-niń Pavlodar oblysy boıynsha balyq ınspektsııa bólimi men oblystyq mamandandyrylǵan tabıǵat qorǵaý prokýratýrasynyń qyzmetkerleri reıd barysynda zań buzǵan jergilikti úsh turǵyndy anyqtady. Olar Aqqýly aýdanyndaǵy Qalatuz kólinde artemııa salına shaıanynyń jumyrtqalaryn zańsyz óndirgen.
- Tekserý nátıjesinde jalpy salmaǵy 7 065 kg bolatyn 157 qap mólsherinde daıyndalǵan artemııa jumyrtqalary tabyldy. Aldyn ala esep boıynsha keltirilgen zalal kólemi 83 338 740 teńge, - dep habarlady «Zaısan-Ertis» oblysaralyq basseındik balyq sharýashylyǵy ınspektsııasynan.
QR Qylmystyq kodeksiniń 335-baby 4-tarmaǵynda kózdelgen zańsyzdyqqa sáıkes materıaldar qylmystyq is qozǵaý úshin polıtsııaǵa berilgen.
Buǵan deıin baǵaly shaıan aýlaıtyn pavlodarlyq kásipkerler lımıtsiz qalýy múmkin ekenin jazǵanbyz.