Pavlodarda apattyq ortalyq káriz kollektorynan 200 tonna batpaq shyǵaryldy
ASTANA. QazAqparat - Pavlodarda dıametri 1500 mm. káriz kollektoryn qaıta qalypqa keltirý boıynsha jumystar bastaldy.
Bul týraly qala ákiminiń baspasóz qyzmeti málim etti, dep habarlaıdy pavlodarnews.kz.
«Jumystar kúsheıtilgen tártipte uıymdastyrylýda», - deıdi qala ákimi baspasóz qyzmetiniń jetekshisi Saltanat Ákimbekova. - Lermontov kóshesi boıyndaǵy uzyndyǵy 331 metr apattyq ýchaskede kollektor tazartyldy. Barlyǵy 200 tonna batpaq shyǵarylyp, qorshaý ornatyldy.
Aıta keterligi, osy ýchaskede ornalasqan avtobýs aıaldamasy burynǵy "Dınamo" dúkeniniń janyna aýystyrylǵan. Sáýir aıynda jumys aqtalǵan soń, aıaldama óz ornyna ákelinedi.
