Pavlodarda qysta qandaı ańdardy aýlaýǵa ruqsat bar
PAVLODAR. KAZINFORM - Pavlodar oblystyq orman sharýashylyǵy jáne janýarlar dúnıesi aýmaqtyq ınspektsııasy bıylǵy 1 qarashadan 2025 jyldyń 15 aqpanyna deıin túlki, qarsaq jáne qoıandardy aýlaý maýsymy ashylǵandyǵyn habarlady.
Pavlodarda túlki, qarsaq jáne qoıandy aýlaýǵa ańshylyq maýsym ashyldy. Sondaı-aq 31 jeltoqsanǵa deıin jabaıy tuıaqty janýarlardy - qabandar men elikterdi aýlaý jalǵasady. Tuıaqty janýarlardy aýlaý tıisti ańshylyq sharýashylyǵy sýbektisi qoryqshysynyń qatysýymen júrgiziledi.
«Ań aýlaý kezinde árbir ańshynyń ózimen birge ruqsat berý qujattary bolýy tıis: ańshy kýáligi, ań aýlaýǵa joldama nemese ańshylyq sharýashylyǵy uıymynyń janýarlar dúnıesin paıdalanýǵa ruqsat, atys qarýyn alyp júrýge jáne saqtaýǵa ruqsat, ań aýlaıtyn jyrtqysh qustardyń pasporty. Ańshylyqqa berilgen joldama nemese janýarlar dúnıesin paıdalanýǵa ruqsat ańshylyq sharýashylyǵy sýbektisiniń aýmaǵynda janýarlardyń basqa túrlerine, atap aıtqanda, qasqyrlardy, shıbórilerdi, qarǵalardy, saýysqandardy, úlken sýquzǵyndardy, taǵandardy, qańǵybas ıtterdi aýlaýǵa (atý) jeke ruqsatty talap etpeıdi»,-dep málimdedi Pavlodar oblystyq orman sharýashylyǵy jáne janýarlar dúnıesi aýmaqtyq ınspektsııasynan.
2024-2025 jyldar maýsymynda Pavlodar oblysyndaǵy jabaıy janýarlardy aýlaýǵa arnalǵan kvota - 49,9 myń daraq. Onyń ishinde 187 tuıaqty janýar, 7 980 terisi baǵaly ań, 41 825 qus.
Aýmaqta Baıanaýyl memlekettik ulttyq tabıǵı parkiniń «Qyzyltaý» memlekettik qaýmalynda, «Ertis ormany» orman rezervaty men «Ertis ózeniniń jaıylmasy» qaýmalynda ań aýlaýǵa tyıym salynǵan.
Buǵan deıin Pavlodar oblysynda kúzgi ańshylyq maýsymy ashylǵany týraly habarlaǵanbyz
