Pavlodarda anasyn aıazda dalaǵa qýyp jibergen er adam qamaldy
PAVLODAR. QazAqparat - Pavlodar turǵyny anasyn úıinen qýyp shyqqan, dep habarlaıdy QazAqparat.
Bıyl Pavlodar oblysynyń polıtseıleri otbasyndaǵy zorlyq-zombylyqqa qatysty 3800-den astam jaǵdaıdy tirkegen.
Taǵy bir oqıǵa keshe boldy. Keshki saǵat 23.00-de qart áıel polıtsııaǵa qońyraý shaldy, ol eresek ulymen birge turyp jatqanyn aıtty.
«Jumystan keıin uly mas bolyp kelip, qorlaǵanyn, sodan keıin ony páterden qýyp shyqqanyn jetkizdi. Mas balasy uıyqtap qalyp, zeınetker áıel úıine kire almaǵan»,- dep habarlady Pavlodar oblysy polıtsııa departamentiniń baspasóz qyzmeti.
Qarańǵy kireberiste jalǵyz qalǵan áıel qorqyp ketken. Sondaı-aq, onsyz da álsiregen kúıi balasyna degen renishpen odan ári álsireı tústi.
Páterge kelgen polıtsııa ájemizdiń kózine jas alyp, halat pen tápishkede turǵanyn kórdi. Polıtseıler 15 mınýt boıy esikti qatty qaǵyp, er adamǵa ashqyzdy.
Úı ıesi aqyry úıge kirip, jylyndy, al onyń ulyna qatysty tártip saqshylary QR QІJK 73-baby boıynsha ákimshilik hattama jasap, oǵan sáıkes er adam bes táýlikke deıin ákimshilik qamaýǵa alyndy.
Mundaı áreketke jol berýge bolmaıtyndyǵy týraly polıtseılermen sóılesken er adam qart anasynan keshirim surady jáne bolashaqta bundaı áreketke barmaıtynyna ýáde berdi.
Al, polıtseıler bir-birimen baılanys ornata almaıtyn týystardyń tártip saqshylaryn kómekke shaqyratyn osyndaı faktileri kún saıyn oryn alatynyn atap ótti.
