Pavlodarda anasy 7 jyldan keıin ulyn Reseıden qaıtaryp aldy
PAVLODAR. QazAqparat – Pavlodar oblysynda kóshi-qon protsesine baılanysty birneshe oqıǵa sátti aıaqtaldy, dep habarlaıdy QazAqparat tilshisi.
23 qyrkúıekte Sharıpa Sálimhanova Kóshi-qon qyzmeti basqarmasy basshysynyń orynbasary Qazbek Ahmetovke ótinish jasap, Reseı Federatsııasynda jazasyn óteý ornynan bosatylǵan jáne qujaty bolmaǵan ulyn qaıtarýǵa kómektesýin suraǵan.
Sharıpa Sálimhanova ulyn 12 jyl buryn izdeı bastaǵan. Jas jigit úıinen ketip qalyp, bolmashy jumystar istegen. 2012 jyly qylmys jasap, Reseı Federatsııasyna qashyp ketken. Sodan beri odan habar bolmaǵan.
Osy jyldar ishinde anasy ulyn izdep, surastyra bastaıdy. Shekara qyzmetine, UQK departamentine, polıtsııa bólimshelerine barǵan. Tek jeti jyl ótkennen keıin ulynyń Barnaýylda qabyldaý-bólýshi bóliminde jatqanyn estigen, dep atap ótti polıtseıler.
«Ol ulyn tapqannan keıin qaıtarý máselesin sheshe almaǵan. Jantastyń (ulynyń esimi) qujaty da, jeke kýáligi de bolmaǵan. Sharıpa Sálimhanova konsýldyqpen baılanysa almaǵan, sebebi qabyldaý-bólýshi bóliminiń qyzmetkerleri readmıssııa týraly kelisimge sáıkes, oǵan 180 kún buryn aıtqan. Polıtsııa podpolkovnıgi Ahmetov áıeldiń ótinishin tyńdap, bul máseleni sheshý onyń quzyretinde emestigin, alaıda Omby qalasyndaǵy Qazaqstan Respýblıkasy konsýldyǵymen baılanysyp, ulyn qaıtarýǵa yqpal etip kóretinin aıtqan», - dedi quqyq qorǵaý organynan.
Konsýl Táýekel Sáken Joldasuly osy máseleni eki aptanyń ishinde sheship, Jantasqa ony otanyna qaıtarý týraly kýálikti tabys etken. 17 qazanda 30 jastaǵy «adasqan ul» óz Otanyna oraldy, dep habarlady polıtseıler.
«Qazbek Ahmetov anasy men ulyn qıyn jaǵdaıda qaldyrmaı, jeke kýáligin qalpyna keltirýge yqpal etken. 30 qazanda Sálimhanov Jantas jańa qujat aldy», - dep túsindirdi polıtsııa departamentinde.
Polıtseılerdiń aıtýynsha, kóshi-qon máselesine qatysty mundaı oqıǵalar kún saıyn bolyp jatyr.
«Úlkeni 18 jasqa tolǵan tórt balanyń anasy Kúdebeeva Roza Serikbaıqyzy qıyn jaǵdaıǵa ushyraǵan. Páterin satar kezde tirkeý esebinen shyǵarylyp, tirkeýge qoıar kezde úlken uly Temirlan basqa qalaǵa Olımpıadaǵa ketken. Osyǵan baılanysty ony ýaqytyly esepke qoıý múmkin bolmaǵan. Pavlodarda bul otbasynyń turaqty mekenjaıy joq, páter jaldap turady. HQO-ǵa barǵan kezde oǵan tirkeýge ýaqytyly turmaǵany úshin aıyppul salǵan», - dep taǵy bir mysal keltirdi polıtsııa departamentinde.
Kóshi-qon qyzmeti basqarmasynyń basshylyǵy jaǵdaıdy eskerip, bul máseleni ákimshilik jazaǵa tartpastan sheship bergen.
Ózbekstannyń burynǵy azamaty Hamıt Hamıtbekov te óz alǵysyn bildirdi. Ol 1980 jyly týǵan, 2010 jyldan beri Qazaqstan Respýblıkasynyń azamattyǵyn bastapqyda sottalǵany úshin, keıin 2017 jyly oralman mártebesi merziminiń ótip ketkeni úshin ala almaǵan.
«Kóshi-qon qyzmeti etnıkalyq qazaqtardyń azamattyq alýy týraly Úkimettiń tapsyrmasyn oryndaý aıasynda Hamıt Hamıtbekovti kóshi-qon qyzmetine shaqyryp, oǵan elde oralman mártebesimen azamattyq alý boıynsha júrgizilip jatqan naýqan týraly túsindirdi. Qazir ol Qazaqstan Respýblıkasynyń azamattyǵyn aldy», - dep túıindedi polıtseıler.
Avtor:
Anton Gagarın
