Pavlodarda anasymen birge bıiktikten qulaǵan balalardyń biri kóz jumdy

ASTANA. KAZINFORM — Dárigerlerdiń málimeti boıynsha, búgin zardap shekken balalardyń kishisiniń jaǵdaıy keshke qaraı nasharlaǵan, dep habarlaıdy Kazinform tilshi.

Pavlodar oblystyq balalar aýrýhanasynan habarlanǵandaı, bir jarym jastaǵy balanyń jaǵdaıy kúni boıy óte aýyr ári turaqsyz bolǵan, al keshki ýaqytta odan saıyn nasharlaǵan.

— Saǵat 20:10–da balanyń júregi toqtady. 20:40–ta bala ólimi tirkeldi. Dárigerler eki táýlik boıy balanyń ómiri úshin kúresti, biraq ókinishke qaraı, ony aman alyp qalý múmkin bolmady, — dep málimdedi oblystyq aýrýhana ókilderi.

Eske sala ketsek, 30 shilde saǵat 13:00–de medıtsına qyzmetkerlerine áıeldiń eki balasyn terezeden laqtyryp, sodan keıin ózi 5-qabattan sekirgeni týraly habar túsken edi.

Bul oqıǵaǵa qatysty adam óltirýge jáne óz-ózine qol jumsaýǵa oqtalý faktisi boıynsha qylmystyq is qozǵalyp, tergeý jumystary bastalǵany anyqtaldy.