Pavlodarda anasy men balasy úıinde óli tabyldy
PAVLODAR. KAZINFORM — Qylmys qazan aıynyń basynda kópqabatty turǵyn úıde bolǵan. Páterde óz-ózine qol jumsaý týraly hat tabyldy.
Kórshilerdiń aıtýynsha, páterde zeınetker men onyń 36 jastaǵy uly turǵan.
Máıitter tabylǵan kezde páterden ózine-ózi qol jumsaý týraly hat tabyldy. Onda qylmystyń sebebi retinde ákesiniń ólimi kórsetilgen. Belgili bolǵandaı, ózine qol salǵan er adamnyń ákesi biraz ýaqyt buryn qaıtys bolǵan.
Pavlodar oblystyq polıtsııa departamenti sotqa deıingi tergeý bastalǵanyn habarlady.
— Pavlodar qalalyq polıtsııa basqarmasy qala turǵynyn óltirý jáne onyń ulynyń óz-ózine qol jumsaýy faktileri boıynsha sotqa deıingi tergep-tekserý jumystaryn júrgizip jatqanyn habarlaımyn, — deıdi oblystyq polıtsııa departamenti bastyǵynyń orynbasary Safýan Jampeıisov.
Anyqtalǵandaı, kúdikti qylmys jasaǵannan keıin óz-ózine pyshaq tyǵyp, qol jumsaǵan.
Buǵan deıin Qostanaı oblysynda áıeli men balasyn óltirdi degen kúdikpen er adam ustaldy.