Pavlodarda analardyń úı jaǵdaıynda bosanýy beleń alyp barady

PAVLODAR. KAZINFORM — Jyl basynan beri oblystyq jedel járdem stansanynyń qyzmetkerleri standartty emes jaǵdaılarda bosanýdy 20 ret qabyldaǵan. Onyń kóbi úıde, aýrýhanaǵa barar jolda, nemese «qońyraýdy ustap turý» ádisi arqyly bolǵan.

Pavlodarlyq dárigerler sońǵy jyldary úıde bosaný sany óse túskenin aıtyp otyr. Bul - alańdatarlyq jaǵdaı. Sebebi, medıtsınalyq mekemeniń qabyrǵasynan tys jerde bosaný ana men sábı úshin qaýipti. Kez kelgen ýaqytta jaǵdaı asqynyp ketýi múmkin.

— Bosaný — kez kelgen syrtqy faktorlarǵa baılanysty ana men sábıdiń densaýlyq ahýaly qıyndaýy múmkin fızıologııalyq úderis. Mundaı asqynýlar bolǵan jaǵdaıda úıde bilikti kómek kórsetý múmkin emes ekenin túsiný mańyzdy. Tipti júktilik kezeńi minsiz órbigenniń ózinde sońǵy kezeńniń qalaı damıtynyn 100 paıyz boljaý múmkin emes. Buǵan qosa úıde árdaıym sterıldi jaǵdaılar bola bermeıdi. Bul sábıdi dúıege ákelgen ananyń da, jańa týǵan náresteniń de túrli qaýipti ınfektsııalardy juqtyrý qaýpin arttyrady, - deıdi óńirlik jedel járdem stansasy basshysynyń orynbasary Irına Mışenko.

Dárigerler qaǵanaq sýynyń aǵýy men ár 5 mınýt saıyn tolǵaq qaıtalanǵan sátte jedel járdem shaqyrý kerektigin eskertedi.

Al eń durysy bosaný merzimi taıaǵanda óz betimen perzenthanaǵa barǵan abzal.

Buǵan deıin Pavlodarda er adam zaıybyn jol ústinde bosandyryp alǵanyn jazǵanbyz.

Al Ekibastuzda jedel járdem kelip jetkenshe áıel ózi bosanyp qoıǵan edi.