Pavlodarda alıýmınıı zaýytynyń jumysshysy qaza tapty
PAVLODAR. QazAqparat - Pavlodardaǵy alıýmınıı zaýyty aýmaǵynda qaza tapqan jumysshynyń artynda áıeli men eki er jetip qalǵan balasy qaldy, dep habarlaıdy QazAqparat tilshisi.
«Ol 1959 jylǵy. Meniń bilýimshe, kámelettik jasqa tolǵan, otbasyly eki balasy bar. Odan ózge kishkentaı balalary joq», - dedi Pavlodar oblysy Eńbek basqarmasy bóliminiń basshysy Abylaı Sabyrov.
A.Sabyrovtyń aıtýynsha, qazir qaıǵyly jaǵdaıǵa baılanysty tergeý amaldary júrgizilip jatyr. Tergeý qorytyndysy shyqqan soń materıaldar shara qoldaný úshin quqyq qorǵaý organdaryna jiberiledi.
Bólim basshysynyń aıtýynsha, jumysshy «Alıýmınıı Qazaqstan» AQ aýmaǵynda qubyr tóseý jumystarymen aınalysqan «Aısý-Melıoratsııa» JShS-nda istegen. Atalmysh kompanııa jerleýge qajetti 100 aılyq eseptik kórsetkish kóleminde shyǵyndy jáne otbasyna kómekke qajetti shyǵyndy óz moınyna alýǵa ázir.
«2019 jyly 12 mamyrda «Alıýmınıı Qazaqstan» AQ aýmaǵynda merdiger uıymnyń jumysshysy qaza tapty. Qaldyq qubyryn montajdaý kezinde zardap shegýshiniń ústine qubyr qulaǵan», - dedi Pavlodar oblysy Eńbek basqarmasy bóliminiń basshysy.
«Ony aýrýhanaǵa jetkizgenimen, kóp uzamaı kóz jumdy», - dedi A.Sabyrov.
