Pavlodarda alty jasar bala kólik astyna tústi
PAVLODAR. QazAqparat - Pavlodarda alty jasar bala jol kólik oqıǵasynan zardap shekti. Oqys oqıǵa Saıajaı shaǵynaýdanynda 20 mamyr kúni saǵat 17:50-de bolǵan, dep habarlaıdy pavlodarnews.kz.
Alty jasar bala Kýtýzov kóshesindegi joldy tıisti emes jermen júgirip ótpek bolǵan. Sol sátte 58 jastaǵy er adam tizgindegen ÝAZ markaly avtókólik ony qaǵyp ketti. Bala kólik júretin bólikke shyqqanda júrgizýshi mashınasyn tejep úlgermegen.
«Jol-kólik oqıǵasy saldarynan bas súıegi zaqymdanyp, mıy shaıqalǵan bala oblystyq balalar aýrýhanasyna jatqyzyldy», - dedi ІІD baspasóz qyzmetinde.
Qazirgi kezde balanyń jaraqaty ortasha dárejede dep baǵalanýda. «Balanyń jaǵdaıy ońalyp keledi», - dedi oblystyq densaýlyq saqtaý basqarmasynyń baspasóz hatshysy Elmıra Temirǵalıeva. - Balaqaı aýrýhanada ájesimen birge jatyr. Búginde balanyń ómirine eshbir qaýip tónip turǵan joq».
Jol-kólik oqıǵasy boıynsha tergeý júrgizilýde.
