Pavlodarda alıment tóleýden jaltarǵan 100-ge jýyq adam izdeýde júr
PAVLODAR. KAZINFORM - Jyl basynan beri alıment tóleýden jaltarǵan 91 adam anyqtaldy. Boryshkerlerdiń 7 avtokóligi aıyppul turaǵyna qoıyldy.
Ertistv.kz saıty habarlaǵandaı, óńirde alıment tóleýden qashyp, tipti óz balasynan bas tartqysy keletinderdiń sany artqan. Polıtsııa qyzmetkerleri alıment tólemeı jaltaryp júrgen ata-analardy anyqtaý úshin is-sharalardy turaqty júrgizedi.
«Jyl basynan beri alıment tóleýden jaltarǵan 91 adam anyqtaldy. Boryshkerlerdiń 7 avtokóligi aıyppul turaǵyna qoıyldy. Mysal úshin, ajyrasqannan keıin kámeletke tolmaǵan qyzyn tárbıeleýge qatysýdy toqtatqan 35 jastaǵy boryshker Qaraǵandy oblysynan tabyldy. Onyń qaryzy 3,5 mıllıon teńgeni quraıdy. Sondaı-aq, úsh balasyna qaramaǵan 42 jastaǵy áıeldiń de jeke basy anyqtaldy. Onyń boryshy 7 mln teńgeden asady», - dep atap ótti Pavlodar oblysy Polıtsııa departamenti kóshi-qon qyzmetiniń aǵa ınspektory Rýslan Turmaǵanbetov.
Eske sala keteıik, Pavlodar oblysynda boryshkerlerden 21 mln teńgeden astam qarajat óndirildi.
Pavlodarda jasy 80-nen asqan zeınetker kishkentaı qyz balalarǵa azǵyndyq jasaǵan.
