Pavlodarda alǵash ret sý patrýli iske kiristi
PAVLODAR. QazAqparat - Ertis ózeninde polıtseılerdiń motorly qaıyǵyn patrýl júrgizetin bolady. Bul týraly oblystyq ІІD baspasóz qyzmeti málim etti, dep habarlaıdy pavlodarnews.kz.
Іshki ister departamentiniń bastyǵy polıtsııa general-maıory Amantaı Áýbákirovtiń bastamasymen ózen aýmaǵynda jáne sý jaǵasynda zańsyz balyq aýlaýshylar, demalyp jatqan azamattar arasynda quqyq buzýshylyqty eskertý máseleleriniń sheshimi osylaı tabyldy.
Jazǵy kezeńde qalalyq jaǵalaýlarǵa halyq kóptep jınalady. Kóbine azamattar demalysta spırttik ishimdikterdi iship, qoǵamdyq tártipti buzady. Oblystyq ishki ister departamenti TJD birlesip, uqsas faktilerdi anyqtaý jáne jolyn kesý kezinde áreket etý algorıtmin ázirledi. Sondaı-aq birlesken reıdtik is-sharalar ótkizý týraly kelisimge keldi. Alǵash ret sýǵa jiberilgen polıtsııa shaǵyn kemesi GPS-navıgatormen, belgi beretin daýys zoraıtqysh quralymen, jaryqtyń jyltyly jáne aıyrǵysh belgilermen jabdyqtalǵan. «Windboal-47» motorly qaıyǵymen bes qyzmetker bir mezette kezekshilik atqara alady. Búgingi kúni úsh polıtsııa qyzmetkeri qaıyqty júrgizý boıynsha kýrstan ótti.
Aıta keteıik, Pavlodar oblysy ákimimen 2018 jyl - «ekologııa jyly» dep jarııalanǵan bolatyn. Endi jazǵy jáne kúzgi kezeńde tártip saqshylary TJD birlese otyryp, Ertis jıeginde reıd júrgizedi. Qazirgi ýaqytta is-shara «Nerest-2018» respýblıkalyq aktsııa aıasynda ótkizilýde. 
