Pavlodarda alǵash ret kózdiń qasań qabyǵy transplantatsııalandy

PAVLODAR. KAZINFORM - 1956 jáne 1945 jylǵy eki naýqastyń kózindegi qasań qabyqtary donor múshemen almastyrylǵan. Naýqastardyń ońalýyna shamamen bir jyldaı ýaqyt kerek.

Dárigerlerdiń aıtýynsha, kózdiń qasań qabyǵyn transplantatsııalaý - óte kúrdeli ota. Mundaı otalar tek iri respýblıkalyq ortalyqtarda jasalady. Al Pavlodar óńirinde alǵash ret jasalyp otyr.

- 28 qańtar kúni birinshi ret donorlyq materıal alyndy. Sol kúni eki naýqasqa eki ota jasaldy. Ol patsıentter kútý paraǵynda turǵan edi. Ota shamamen 1,5-2 saǵatqa sozyldy. Búgingi tańda oblysta kútý paraǵynda 38 adam bar. Bul - sońǵy eki jylda jınalǵan patsıentter, - deıdi Ǵ.Sultanov atyndaǵy Pavlodar oblystyq aýrýhanasynyń bólim meńgerýshisi Qasymhan Tileýbaev.

Kóz janary jańarǵan naýqastar 1956 jáne 1945 jylǵy óńir turǵyndary. Qazir repıtsıentterdiń jaǵdaıy turaqty, dárigerlerdiń baqylaýynda. Ońalýǵa shamamen bir jyldan asa ýaqyt kerek.

Buǵan deıin Pavlodarda donor áıel tórt adamnyń ómirin uzartýǵa sebepshi bolǵany týraly jazǵanbyz. 

Donor-áıeldiń júregi, eki búıregi, baýyry jáne eki kóziniń qasań qabyqtary alynǵan. Qasań qabyqtar osylaısha eki adamnyń janaryn jaqsartýǵa sebepshi bolyp otyr.