Pavlodarda alǵash ret Ertis kúni atalyp ótildi
ASTANA. QazAqparat - Búgin Pavlodarda qala tarıhyndaǵy tuńǵysh mereke - Ertis kúni atalyp ótildi. Shara jastar saıasaty jónindegi basqarmanyń qoldaýymen Balalar jáne jastar uıymdarynyń qaýymdastyǵy men «Pavlodarlyq geografııa úıi», dep habarlady pavlodarnews.kz.
«Shara aıasynda Ertis ózeni týraly qysqa metrajdy derekti fılm túsiriledi. Onyń kórsetilimi jergilikti telekanaldardyń birinde usynylatyn bolady. Áıtim aýylynan bastap júzgen qaıyqta shamamen 20 shaqty adam kóterińki kóńil-kúımen Pavlodardyń tómengi jaǵasyna jetti», dep jazady aqparat kózi. Shara aıasynda avtojoldar kópiriniń janynda «Jasyl el» jasaǵynyń jastary senbilik uıymdastyryp, tabıǵat aıasyn qoqystan tazartty. Merekelik shara sońy kontserttik baǵdarlamaǵa ulasty. Jıynda pavlodarlyq Ilıa Krasılnıkovtyń óz qolymen jasaǵan qaıyǵy jurtshylyq nazaryna usynyldy. Festıval kezinde qala turǵyndary Ertis ózenin qorǵaýǵa arnalǵan «Irtysh - nasha gordost ı bol!» qaıyrymdylyq sharasyna qarajat aýdara alady.
