Pavlodarda áleýmettik mekemeler ortalyq jylý kózine qosyla bastady

PAVLODAR. KAZINFORM — Oblys ortalyǵynda 300-ge jýyq áleýmettik mekeme ornalasqan. Qala ákimdigi olardy kezek-kezegimen jylý kózine qosýdy bastap ketti.

Pavlodar qalasynyń ákimdigi qaýly shyǵaryp, 10 qyrkúıekten bastap shaharda jylytý maýsymy bastalǵanyn jarııalady.

— Búgingi kúnnen bastap aýrýhanalar, mektepter, balabaqshalar sııaqty áleýmettik mekemelerge jylý beriledi. Kóppáterli turǵyn úılerdi jylytý júıesine qosý keıinirek júzege asyrylady. Erejege sáıkes, turǵyn úı qoryna jylý berý úshin syrtqy aýanyń táýliktik ortasha temperatýrasy úsh kún qatarynan +10 °C nemese odan tómen bolýy qajet, — dep habarlady qalalyq ákimdikten.

Buǵan deıin Pavlodarda jarty ǵasyr aýyspaǵan jylý magıstrali jańaryp jatqany týraly jazǵanbyz. 

Al Ekibastuzdaǵy jylý ortalyǵy daıyndyq pasportyn alýǵa ótinim berdi.