Pavlodarda aldaǵy qysta 189 jylytý pýnkti jumys isteıdi
PAVLODAR. KAZINFORM — Ertis-Baıan óńiriniń aýmaǵynda bıyl qysta 189 jylytý pýnkti jumys isteıtin bolady. Olarǵa bir mezgilde 10 myń adam syıady.
Pavlodar oblysyndaǵy úlken avtojoldardyń jalpy uzyndyǵy 5532 shaqyrymdy quraıdy. Qysqy kezeńde jergilikti mańyzy bar avtojoldarda qaýipsiz jáne úzdiksiz jol qozǵalysyn qamtamasyz etý maqsatynda oblys boıynsha merdiger uıymdar 270 arnaıy tehnıka men 5400 tonna kóktaıǵaqqa qarsy materıal daıyndap qoıǵan.
— Tótenshe jaǵdaılardy joıý jáne shekaralas oblystar arasyndaǵy ózara is-qımyl jónindegi is-qımyl josparlary túzetildi. Sondaı-aq qys mezgilinde halyqtyń tynys-tirshiligin qamtamasyz etetin oblys uıymdarynyń josparlary retke keltirildi. Oblystyq mańyzy bar avtojoldarda qar ustaıtyn qalqandardyń jalpy uzyndyǵy 8,36 km (aǵash — 6,41 km, temirbeton — 1,95 km). Qys kezeńinde oblys aýmaǵynda 189 jylytý pýnkti jumys isteıtin bolady. Olarǵa bir mezgilde 10 myń adam syıady. Azamattyq qorǵanysqa qajetti kúsh qarastyrylyp qoıdy. Bul — 2 myńnan astam adam, ol qatarǵa bizdiń qyzmetkerlerimiz ben polıtseıler, medıtsına jáne jol qyzmetiniń qyzmetkerleri enip otyr, — deıdi Pavlodar oblysy tótenshe jaǵdaılar departamenti bastyǵynyń orynbasary Qaırat Shaımardenov.
Eske sala keteıik, Pavlodarda aýyl turǵyny jolda bosanyp qaldy.
Foto: Pavlodar oblysy Óńirlik kommýnıkatsııalar qyzmeti
