Pavlodarda alaıaqtyqqa qoldanylǵan sımboks qurylǵylary anyqtaldy
ASTANA. KAZINFORM – Pavlodarda prokýratýra men polıtsııa qyzmetkerleri alaıaqtyq shemalarda paıdalanylǵan sımboks qurylǵylaryn zańsyz qoldaný deregin anyqtady.
Tekserý jumystary «Aıqyn nátıje» is-sharalar jospary aıasynda júrgizilgen.
Páterlerdi aralaý barysynda kópqabatty úılerdiń birinen kúdikti anyqtalyp, onyń úıinen 128 slottyq sımboks qurylǵysy, «Tele2» jáne «Altel» operatorlarynyń 115 SIM-kartasy, eki roýter men 32 uıaly telefon tabylǵan.
- Atalǵan derek boıynsha Qylmystyq kodekstiń 213-baby 2-bóligi boıynsha sotqa deıingi tergeý bastaldy. Bul abonenttik qurylǵylardyń sáıkestendirý derekterin ózgertýge múmkindik beretin baǵdarlamalardy zańsyz paıdalaný jáne taratý faktisin qamtıdy.
Qazirgi ýaqytta quqyq qorǵaý organdary istiń barlyq mán-jaıyn jáne yqtımal sybaılastardy anyqtaýǵa baǵyttalǵan keshendi tergeý áreketterin júrgizip jatyr, - delingen aqparatta.
Kúdiktige qatysty úıqamaq túrindegi bultartpaý sharasy tańdaldy.
Aıta keteıik, Astanada kóshi-qon shemasyn uıymdastyryp, 900 mln teńge paıda tapqan alaıaq sottaldy.
