Pavlodarda alaıaqtyq jasaǵan advokat sottaldy

PAVLODAR. KAZINFORM – Pavlodarda sot alaıaqtyq jasaǵany jáne laýazymdy tulǵalarǵa para berýge arandatqany úshin kináli dep tanylǵan advokatqa qatysty úkim shyǵardy.

Pavlodar oblystyq advokattar alqasynyń advokaty aldaý arqyly senimgerdi adastyrǵanyn jáne zańsyz paıda alýǵa baǵyttalǵan is-áreketter jasaǵanyn, ony qolaıly is júrgizý sheshimderin qabyldaǵany úshin laýazymdy tulǵalarǵa aqshalaı syıaqy berýge ıtermelegenin aıyptaýshy tarap dáleldedi.

Qylmystyq is-áreketterdiń nátıjesinde senimgerden 6 100 000 teńge shamasynda alaıaqtyq jolmen aqsha qarajatyn alyp, óz qalaýy boıynsha jumsaǵan.

Pavlodar oblysy prokýratýrasy málimetinshe, memlekettik aıyptaýdy qoldaıtyn prokýrordyń belsendi ustanymynyń arqasynda advokattyń kinási dáleldendi.

2026 jylǵy 27 aqpanynda sot oǵan 3 jyl 3 aıǵa bas bostandyǵynan aıyrý, ómir boıy memlekettik qyzmette qyzmet atqarý quqyǵynan aıyrý, advokattyq qyzmetpen jáne zań keńesshisi qyzmetimen aınalysý quqyǵynan 3 jyldyq merzimge aıyrý jáne podpolkovnık arnaıy ataǵynan aıyrý túrindegi jaza taǵaıyndady.

Úkim zańdy kúshine engen joq.

Aıta keteıik, Qazaqstanda advokattar men notarıýstar úshin talaptar jańartyldy.

Jańa Konstıtýtsııa jobasyna sáıkes advokattardyń mártebesi prokýrorlarmen bir deńgeıde teńestiriledi. Bul pikirdi Respýblıkalyq advokattar alqasynyń tóraǵasy Mádı Myrzaǵaraev Jibek Joly telearnasyna bergen suhbatynda aıtty.